Edhe pse inaugurimi i Donald Trump ishte një ngjarje thellësisht politike, atmosfera u ngroh nga ngjyrimet rozë të ceremonisë, dashuria që ndihej në ajër, puthjet dhe kërcimet.

Në qendër të vëmendjes u vendos Melania Trump, e cila, me një veshje serioze dhe elegante, arriti të tërhiqte gjithë sytë e publikut. Kapela e saj me stil ushtarak fshehu shikimin e saj, duke i dhënë një aureolë misteri që vetëm sa e bëri më magjepsëse.

Një Zonjë e Parë që përcjell disiplinë dhe klas

Për kritikët e modës, Melania përcolli një mesazh të qartë serioziteti dhe disipline, duke lënë të kuptohet qasja me të cilën do ta mbajë për herë të dytë detyrën e Zonjës së Parë.

Në kamerat e mediave nuk u kap asnjë moment ku ajo të kishte kontakt të drejtpërdrejtë me objektivin apo të ftuarit – një zgjedhje e qëllimshme që vetëm sa e bëri atë më intriguese.

Nga palltoja elegante tek stiletto-t e saj, çdo detaj i veshjes dukej i menduar dhe i realizuar me mjeshtëri. E gjitha kjo e bëri të shfaqej krejt ndryshe nga inaugurimi i parë në vitin 2017.

Dashuria në skenë: Trump dhe Melania vallëzojnë në tingujt e Elvis Presley

Në momentet pas betimit si president, Donald dhe Melania Trump u ngjitën në skenë për të vallëzuar si bashkëudhëtarë të këtij mandati të ri. Ata zgjodhën këngën ikonike “An American Trilogy” të Elvis Presley-t, duke krijuar një moment të paharrueshëm romantik.

Presidenti duket se është një adhurues i madh i muzikës country, pasi në balloja festive performuan artistë të kësaj rryme si Rascal Flatts, Parker McCollum, Jason Aldean dhe Gavin DeGraw.

Melania Trump, me hijeshinë dhe finesën e saj, konfirmoi edhe një herë se mbetet një nga Zonjat e Para më magjepsëse dhe të komentueshme të historisë moderne.