Kryeministrja italiane, Giorgia Meloni, ka folur në media duke shprehur respektin për vendimin e Gjykatës Kushtetuese Shqiptare lidhur me pezullimin e ratifikimit të marrëveshjes Itali-Shqipëri për menaxhimin e emigrantëve afrikanë. Në deklaratat e saj, Meloni theksoi se nuk ka asnjë “Plan B” në këtë rast dhe se është optimiste që vendimi i Gjykatës Kushtetuese shqiptare nuk do të rezultojë në anulim të marrëveshjes.

Kryeministrja italiane deklaroi se respekton vendimet e një vendi sovran si Shqipëria dhe nuk ka ndërhyrje në procesin e tyre vendimmarrës. Nëse Gjykata Kushtetuese shqiptare miraton marrëveshjen, Meloni shprehu se do të ketë një përshpejtim të procedurave për ngritjen e kampeve dhe strehimin e emigrantëve. Megjithatë, ajo nuk ka bërë ndonjë parashikim specifik për rezultatin final dhe tha se do të shohim çfarë ndodh në javët e ardhshme.

“Sa i takon Shqipërisë, nuk di të them. Nuk mund të them se çdo ndodhë, shpresoj që të mos ketë anulim, por nuk ndërhyj.

Jam optimiste që nuk do të ketë, por nuk mund të them se çfarë do të ndodhë në një vend sovran. Respektoj vendimet e një vendi sovran. Të shohim çdo të ndodhë në javët e ardhshme dhe do të bëjmë më të mirën tonë, që ta përshpejtojmë edhe më shumë nëse gjërat shkojnë shumë. Për momentin nuk kemi nevojë për një Plan B”, deklaroi Meloni.