“Katile”, “Idiote”, “U halite” dhe “Pandemia” zhduken nga YouTube – Fansat në panik, menaxhmenti flet për ‘sulm misterioz’

Një lajm i papritur ka tronditur fansat e Gjestit: hitet e tij më të mëdha janë zhdukur krejtësisht nga YouTube. Këngët si “Katile”, “Idiote”, “U halite” dhe “Pandemia”, që dikur dominonin trendet dhe klubet, nuk janë më të aksesueshme në platformë.

Fansat kanë shpërthyer në rrjetet sociale me pyetje dhe komente, duke kërkuar një shpjegim zyrtar për këtë zhdukje të papritur.

Sipas burimeve të afërta me menaxhmentin e artistit, projektet ishin nën menaxhimin e Samed Poterës, por aktualisht janë hakuar dhe më pas fshirë nga platformat online.

“Po punojmë për rikthimin e materialeve sa më shpejt të jetë e mundur,” thanë burimet, duke shtuar se nuk dihet ende “kush qëndron pas këtij sulmi misterioz”.