Një zjarr ka rënë në motorin e një avioni rus që transportonte 321 pasagjerë nga Phuket, Tajlandë për në Moskë, gjatë ngritjes së tij.

Lajmin e kanë bërë të ditur mediat ndërkombëtare, sipas të cilave motori i Boeing 767-306ER me 309 pasagjerë dhe 12 anëtarë të ekuipazhit shpërtheu në flakë disa sekonda pas ngritjes.

Reagimi i pilotit ka qenë i menjëhershëm dhe ai u detyrua të ulte shpejtësinë dhe të ulet për arsye sigurie.

Pamjet e zjarrit të rënë në Boeing 767-306ER, tregojnë momentet dramatike të përjetuara nga pasagjerët.

Pati raportime për një “shpërthim të fortë” ndërsa avioni u ngrit, ana e djathtë e të cilit shpërtheu fillimisht në flakë.

Pasi zbarkuan pasagjerët, të gjithë shëndoshë e mirë autoritetet tajlandeze i informuan ata se duhej të prisnin një aeroplan të ri për t’i çuar në destinacionin e tyre, ndërsa linja ajrore premtoi të mbulonte të gjitha shpenzimet e tyre gjatë qëndrimit në Phuket.