Administratori i pallatit qe mori zjarr ditën e sotme, është thirrur në polici, për tu marrë në pyetje. Burime policore bëjnë me dije se administratori është thirrur nga komisariati nr. 2 për të marrë deklarimet e tij, lidhur me ngjarjen.

Gjithashtu pranë komisariatit nr 2 janë thirrur edhe banorë të tij, ku kanë dhënë deklarimet e tyre lidhur me ngjarjen. Deklarimet i janë marrë edhe banorëve të katit të fundit, ku dyshohet se e ka pikënisjen zjarri.

Pas ekspertizës paraprake, pritet që të bëhet edhe një ekspertizë tjetër për të dalë në një konkluzion përfundimtar dhe të detajuar mbi shkaqet e zjarrit që shkaktoi dëme të shumta materiale.