Argjentina fitoi dje me Ekuadorin në sfidën për kualifikueset e botërorit. “Albicelesete” triumfuan minimalisht 1-0 në Buenos Aires.

Golin e vetëm e shënoi Lionel Messi. Në minutën e 77′ Leo shënoi nga goditja e dënimit duke lënë të shtangur portierin dhe murin mbrojtës. Kjo ishte ndeshja e parë e eleminatoreve në Amerikën Latine për botërorin 2026.

Takimin e ardhshëm Argjentina do ta zhvillojë ndaj Bolivisë në transfertë më datë 12. Mbetet për t’u parë nëse Messi do të jetë pjesë e Kupës së Botës që do të zhvillohet në SHBA, Kanada dhe Meksikë.

Trajneri Scaloni është shprehur se do të donte shumë që Leo të ishte pjesë e këtij turneu ndoshta të fundit në karrierën e tij të jashtëzakonshme. Gjithashtu në mbështetje të kësaj ideje ka qenë edhe presidenti i federatës së futbollit argjentinas.