Teksa kreu i PD Sali Berisha ka paralajmëruar protestë më 6 dhjetor, ditën kur në Tiranë do të mbahet për herë të parë samiti BE-Ballkani Perëndimor, ka ardhur edhe levizja e radhës së opozitës.
Kreu i Partisë së Lirisë Ilir Meta ka shkuar sot në selinë blu për tu takuar me Sali Berishën. Meta është pyetur nga gazetarët gjatë daljeve të tij nëse do ti bashkohet protestës së 6 dhjetorit por kreu i PL nuk ka dhënë një përgjigje duke u “shmangur”.
Ndërkaq thirrja për protestë është dënuar ashpër nga PS. Kreu i grupit parlamentar të Ps Taulant Balla ka thënë se Berisha proteston për hallin e tij.
