Pas rritjes rekord të çmimit të naftës ka reaguar dhe presidenti i vendit Ilir Meta i cili bën thirrje që të ndalet menjëherë ky abuzim nga ana e qeverisë.
Përmes një postimi në Facebook, Meta thekson se Ukraina që është në luftë ka çmimin e naftës 1 euro/ litër ndërsa vendi ynë në paqe me dyfishin.
Teksa bën dhe renditjen e çmimeve në shtete të tjera të Europës, ai e mbyll shkrimin e tij duke thënë se babëzia me justifikim luftën është e papranueshme.
Postimi i plotë:
Ukrainasit në luftë e blejnë naftën 1 euro/litër, shqiptarët në paqe me 2.2 euro/litër.
Edhe sipas raportit të “Global Petrol Price”, të datës 7 mars 2022, 1 litër naftë në Shqipëri kushton më shtrenjtë se:
📌 Në Slloveni 1.75 USD/litër
📌 Në Kroaci 1.65 USD/litër
📌 Në Rumani 1.6 USD/litër
📌 Në Serbi 1.57 USD/litër
📌 Në Bullgari 1.55 USD/litër
Rritja abuzive dhe e shfrenuar e çmimit të karburanteve duhet të ndalet menjëherë!
Babëzia me justifikim luftën është e papranueshme!
