Meta njoftoi të martën një përditësim të ri të algoritmit të Facebook, i cili synon të shfaqë më shumë video Reels, të përshtatura sipas preferencave të përdoruesve.

Përditësimi përfshin veçori të reja që u japin përdoruesve kontroll më të madh mbi videot që shohin, sugjerime kërkimi të mundësuara nga AI dhe ‘flluska’ miqsh të rinj, të cilat tregojnë cilat postime kanë pëlqyer miqtë e tyre. Përdoruesit mund të klikojnë “nuk jam i interesuar” në një Reel ose të raportojnë komentet, duke bërë që motori i rekomandimeve të përshtatet bazuar në reagimin e tyre.

Funksioni “Ruaj” është përditësuar gjithashtu për të mbledhur më lehtë Reels dhe postimet e preferuara në një vend. Meta synon me këtë veçori të adresojë ankesat për video mashtruese, bezdisëse ose të prodhuara me AI me cilësi të ulët.

Sipas kompanisë, përdoruesit tani do të shohin 50% më shumë Reels të ngarkuara në të njëjtën ditë që ata po shfletojnë. Përveç kësaj, sugjerimet e kërkimit të mundësuara nga AI do të ndihmojnë përdoruesit të zbulojnë më shumë përmbajtje rreth temave të tyre të preferuara.

Veçoria e re e flluskave të miqve në Reels dhe burimin kryesor të lajmeve u lejon përdoruesve të shohin pëlqimet e miqve dhe të nisin biseda private duke klikuar mbi foton e profilit të tyre.

Ky përditësim synon të forcojë personalizimin e përmbajtjes, të thjeshtësojë navigimin dhe ndërveprimin dhe të përmirësojë përvojën e përdoruesve në platformë.