Presidentja e Parlamentit Evropian, Roberta Metzola, ka reaguar për zhvillimet e fundit në Venezuelë, duke theksuar se orët dhe ditët në vijim do të jenë vendimtare për të ardhmen e vendit.

Metzola përsëriti se Parlamenti Evropian nuk e njeh Nicolas Maduron si president të zgjedhur legjitimisht, ndërsa shtoi se populli venezuelian meriton të jetojë i lirë pas viteve të shtypjes.

Ajo theksoi se BE do të vazhdojë të mbështesë një zgjidhje paqësore dhe demokratike, duke bërë thirrje për respekt të plotë të ligjit ndërkombëtar dhe njohje të vullnetit të popullit të Venezuelës.