Noizy është mjaft aktiv në rrjetet sociale ku përveç projekteve muzikore apo koncerteve, publikon shpesh edhe video për të qeshur.

Së fundmi ai ka publikuar në Instastory një video që ka marrë shumë vëmendjen. Në videon e shpërndarë nga një faqe, shfaqet një vajzë që pastron sandalet para se të hipë në makinë.

“Vajza nëse hyni në makinën e një djali kështu, ai me siguri do t’iu propozojë”, shkruhet në tekstin e videos, ndërsa reperi ka vendosur ta shoqërojë me disa emoji të qeshurash postimin.

Noizy prej vitesh është deklaruar si beqar, por duket se gjërat kohët e fundit kanë ndryshuar pasi ai ka folur për herë të parë për vajzën që i ka fituar zemrën në një emision.

“Mezi po pres t’i bëj telashe dikujt në Dibër. Ta marrim një nuse në Dibër”, u shpreh ai në emisionin “N’majë t’gjuhës”.