Ndeshja mes Uellsit dhe Belgjikës në kuadër të kualifikimeve për Kupën e Botës 2026 nuk do të mbahet mend vetëm për golat, por edhe për një “tifoz” të veçantë që ndërhyri në fushë.

Në minutën e 66-të, loja në stadiumin Cardiff City u ndërpre për disa minuta, pasi një mi arriti të depërtonte në fushë, duke shkaktuar të qeshura mes lojtarëve dhe tifozëve. Portieri belg Thibaut Courtois u përpoq ta kapte, por ishte Brennan Johnson i Uellsit ai që në fund arriti ta përzinte kafshën e vogël jashtë fushës.

Pjesa e parë ishte po aq e gjallë — tre gola në 45 minuta, ndërsa ndeshja përfundoi me rezultatin 2-4 për Belgjikën, që rikthehet në krye të grupit, përpara Maqedonisë së Veriut.

Pavarësisht ndërprerjes së pazakontë, “Djajtë e Kuq” treguan forcë dhe efikasitet, duke marrë një fitore të rëndësishme në rrugën drejt kualifikimit për Botërorin 2026.