U zhvillua sot në ambientet e Presidencës Ceremonia e Betimit të anëtarëve të rinj të Këshillit të Ministrave, të cilët u miratuan një ditë më parë nga Kuvendi i Shqipërisë.

Adea Pirdeni nis punën si Ministre e Shtetit për Administratën Publike dhe Antikorrupsionin, Blendi Gonxhja si Ministër i Ekonomisë, Kulturës dhe Inovacionit, ndërsa Ervin Mete do të drejtojë Ministri të Financave, e shkëputur nga ekonomia.

Ministrat e rinj u betuan para Presidentit të Republikës pas leximit të formulës së posaçme.

Presidenti Bajram Begaj u dorëzoi atyre dekretin përkatës të emërimit duke i uruar suksese në detyrën e tyre.