Manja bëri të ditur se asnjë person i dënuar nga Gjykata e Posaçme nuk do të përfitojë nga amnistia. Ai theksoi se nga ky projektligj pritet të lirohen menjëherë 700 të dënuar, ndërsa 400 të tjerë do të përfitojnë ulje dënimi. Ministri gjithashtu përmendi se do të pushohen menjëherë 232 çështje të protestuesve të opozitës. Po ashtu, ai informoi se do të përfitojnë edhe personat që kanë marrë vendime të formës së prerë deri në datën 31 mars 2024.

Manja gjithashtu shpalosi një problem të madh në sistemin e paraburgimit në Shqipëri, duke thënë se vendi ka 57% më shumë të paraburgosur në krahasim me standardet e Bashkimit Evropian. Ai theksoi se kjo situatë kushton shtetin 24.2 milionë euro në vit. Për të adresuar këtë problem, ai propozoi masat për të zgjidhur afatgjatë çështjen e të paraburgosurve dhe të dënuarve në vend.

Projektligji për amnistinë pritet të përfitojnë rreth 1100 të dënuar, ndër të cilët 700 do të lirohen menjëherë, 400 do të përfitojnë ulje dënimi, dhe 2700 në shërbim prove do të jenë përfitues. Megjithatë, nuk do të përfitojnë të dënuarit me burgim të përjetshëm, ndërsa as ulje dënimi nuk do të aplikohet për personat e dënuar nga Gjykata e Krimeve të Rënda.