Në një konferencë për median, Ministri i Financave, Petrit Malaj, u pyet nga Report TV lidhur me skandalin e fundit që ka prekur sektorin e mikrokredive dhe nëse do të ndërmerren ndryshime ligjore për të mbrojtur më mirë konsumatorët. Malaj deklaroi se ka nisur një bashkëpunim mes Ministrisë së Financave dhe Bankës së Shqipërisë për të realizuar ndryshimet e nevojshme ligjore.

Ai vuri theksin te nevoja për monitorim më të mirë të subjekteve financiare jo-banka nga ana e Bankës së Shqipërisë, duke theksuar se kjo është një përgjegjësi që i takon drejtpërdrejt këtij institucioni.

Është një çështje ku ne jemi të angazhuar. Por duhet të theksojmë që subjekteve jo banka monitorohen dhe duhet të monitorohen nga Banka e Shqipërisë. Ne jemi në komunikim me Bankën për të parë se çfarë ndryshimesh ligjore janë të nevojshme nga krahu i Ministrisë së Financave të cilat duhet ti adresojmë. Por nga ana tjetër vetë Banka duhet të bëjnë ndryshime rregulloratore që të përmirësojë kontrollin e institucioneve financiare jo-banka ” tha Malaj.