Ministri i Punëve të Jashtme Bujar Osmani ka marrë pjesë në mbledhjen e jashtëzakonshme të Këshillit të Atlantikut të Veriut të NATO-s, i cili u zhvillua përmes një video-konference.

Takimi u fokusua në grupimin ushtarak rus rreth kufirit me Ukrainën si edhe çështje të tjera që lidhen me sigurinë europiane.

Ministri Osmani ritheksoi mbështetjen e Maqedonisë së Veriut për sovranitet dhe integritet territorial të Ukrainës, ndërsa nënvizoi rëndësinë e unitetit si një mjet i fortë për ruajtjen e paqes , stabilitetit por edhe bashkëpunimit të ngushtë me BE dhe vendet e tjera.