Ministri i Mbrojtjes, Ejup Maqedonci, ka shprehur shqetësimin e tij në lidhje me armatimin e Serbisë nga Kina dhe Rusia, duke e vlerësuar si një rrezik real për Kosovën. Ai ka theksuar se prezenca e ushtrisë serbe në vijën kufitare me Kosovën dhe bazat operative të shumta janë shenjë e një politike agresive nga ana e Serbisë. Maqedonci ka thënë se Serbia po vazhdon të militarizohet dhe të armatohet nga Rusia dhe Kina, duke theksuar se kjo sjell rrezik të vërtetë për Kosovën. Ministri ka shprehur vendosmërinë e Kosovës për të trajtuar këtë sfidë dhe ka përmendur edhe sulmin terrorist të 24 shtatorit si një shembull të përdorimit të armatimit serb.
“Prezenca ushtarake e ushtrisë së Serbisë në jug të territorit të Serbisë dhe prezenca e 48 bazave të përparme operacionale të ushtrisë dhe xhandarmërisë serbe përgjatë vijës kufitare me Republikën e Kosovës duke i shtuar kësaj edhe bazamentin që është qasja hegjemoniste dhe agresive politike e Republikës së Serbisë në raport me Republikën e Kosovës, ky rrezik është real dhe vlerësojmë që përderisa Serbia vazhdon militarizimin, blerjet e sistemeve dhe armatimit nga Rusia dhe Kina dhe përderisa rrit kapacitetet ushtarake dhe sidomos ato në kufi me vendin tonë, ky rrezik është real dhe vlerëson që vendi ynë do ta trajtojë me të vërtetë si një rrezik real,” thotë Maqedonci.
