Gjatë homazheve për viktimat e ngjarjes së 21 janarit, ministri i Drejtësisë, Ulsi Manja, shprehu kritika ndaj sistemit të drejtësisë. Ai theksoi se pas 13 vitesh ende nuk ka pasuar drejtësi për vrasjet e katër personave në 21 janar 2011. Manja argumentoi se ky fakt tregon se brenda sistemit të drejtësisë ka magjistratë që nuk janë të aftë profesionalisht dhe veprojnë me mentalitetin e vjetër të mbylljes së dosjeve. Ministri shtoi se ka magjistratë që kanë frikë të përballen me hetimin e dosjeve të rëndësishme.

Ulsi Manja:

Fakti që sot pas 13 vitesh drejtësia për 21 janarin si krim shtetëror është ende në ajër tregon qartë se brenda sistemit të drejtësisë ka magjistratë me certifikatë vetingu të paaftë profesionalisht që punojnë me mentalitetin e vjetër të mbylljes së dosjeve me procedurë apo skadim të afateve të procedimit se kanë frikë të përballen me hetimin e dosjeve të rëndësishme.