Ministrja e Shëndetësisë, Ogerta Manastirliu ka publikuar apelet e dy pacientëve të spitalit Infektiv që po luftojnë me COVID-19.

Një nga pacientet e shtruar në spitalin infektiv thotë se ka bërë gabimin më të rëndë që nuk është vaksinuar. Ajo shprehet se burri i saj i cili u vaksinua nuk u infektua.

”Kam bërë gabimin më të madh në jetë dhe po vuaj sot, njerëz vaksinohuni sa më shumë. Burrë i vaksinuar nuk u sëmur, unë e pavaksinuar u sëmura rënda.”– tha pacientja.

Një tjetër pacient, nga shtrati i Infektivit i kërkon qytetarëve shqiptarë mos të hezitojnë, por të vaksinohen.

“Vaksinohuni dhe mos hezitoni” thotë një tjetër pacient.

Nga ana e saj edhe ministrja Manastirliu apelon qytetarët: “Mos e neglizhoni vaksinimin anticovid. #VaksinatShpëtojnëJetë”