Gazeta prestigjioze amerikane *Time* ka përfshirë emrin e shqiptares Mira Murati në mesin e 100 personave më me ndikim në teknologji që po bëjnë revolucion në botë, veçanërisht në fushën e inteligjencës artificiale. Ky nderim, i dhënë në kuadër të listës TIME 100 AI, përfshin figura të shquara si shefi i Google, Sundar Pichai, ndërsa Murati është e listuar si një nga inovatorët kryesorë.

Sipas Time, Murati, shefja e teknologjisë në OpenAI, ka luajtur një rol kyç në rritjen e shpejtë të kompanisë dhe ka kontribuar në zhvillimin e modeleve të njohura si ChatGPT dhe DALL-E. Ajo është njohur për përpjekjet e saj në avancimin e inteligjencës artificiale, duke e bërë të njohur këtë fushë për publikun e gjerë.

Përveç kësaj, Murati është vlerësuar për udhëheqjen e saj në krijimin e versionit të ri të robotit GPT-40, i cili përfshin funksionalitete të avancuara të komunikimit me zë në kohë reale. Ky njohje thekson ndikimin e saj të madh në transformimin e teknologjisë dhe përmirësimin e mënyrës se si njerëzit ndërveprojnë me inteligjencën artificiale.