Roberta Metsola është zgjedhur Presidente e Parlamentit Europian.

Presidenti i Republikës, Ilir Meta ka uruar përmes një postimi në rrjetet sociale, Presidenten e Parlamentit Europian, Roberta Metsola për zgjedhjen në këtë detyrë.

“Mirëpres bashkëpunimin e ngushtë në procesin e integrimit europian të Shqipërisë, me shpresën për çeljen sa më parë të negociatave të anëtarësimit”, thekson kreu i shtetit shqiptar.

Postimi i Presidentit Meta

Urime të përzemërta Roberta Metsola për zgjedhjen si Presidente e Parlamentit Europian!

Mirëpres bashkëpunimin e ngushtë në procesin e integrimit europian të Shqipërisë, me shpresën për çeljen sa më parë të negociatave të anëtarësimit.

Jam besimplotë për vendosmërinë e saj në mbrojtje të vlerave europiane dhe forcimit të demokracisë, përfshirë dhe në të gjitha vendet e zgjerimit. 🇦🇱🤝🇪🇺