Modelja dhe fituese e titullit “Miss Evropa”, Guler Erdogan, ka ndërruar jetë tragjikisht në një incident të rëndë në Giresun, Turqi. 27-vjeçarja, e cila ishte nën efektin e alkoolit, u ndalua nga autoritetet për një kontroll rutinë. Pas dështimit në testin e alkoolit, Erdogan ka tentuar të arratisej, por ka rënë nga një urë dhe është goditur nga një automjet që kalonte.

Mediat turke raportojnë se familja e modeles ka konfirmuar vdekjen e saj dhe ka fshirë llogaritë e saj në rrjetet sociale. Hetimet janë nisur nga autoritetet për të zbardhur rrethanat e ngjarjes. Erdogan kishte luftuar më parë me probleme të shëndetit mendor dhe kishte tentuar vetëvrasjen në të kaluarën.

Një tragjedi që ka tronditur botën e modelizmit dhe ka lënë pas një dhimbje të thellë për të afërmit dhe adhuruesit e saj.