Bukuroshja me origjinë nga Kosova, Sarah Dzafce, u shpall mbrëmë Miss Finlanda 2025, duke mahnitur jurinë me paraqitjen dhe elegancën e saj.

Pas shpalljes, rrjetet sociale u mbushën menjëherë me reagime. Një pjesë e përdoruesve shprehën krenari për fitoren e saj, ndërsa të tjerë e vunë në diskutim për shkak të prejardhjes së saj: babai i Sarahs është nga Kosova, një detaj që nxiti debate mbi përfaqësimin dhe diversitetin në garën e bukurisë.

Sarah vetë e ka konsideruar përzierjen e saj kulturore si një avantazh, duke thënë se kjo e ndihmon të lidhet më lehtë me njerëz nga kultura të ndryshme.

Ky nuk është rasti i parë i një fitueseje me origjinë të përzier në Miss Finlanda: Lola Odusoga (1996) me baba nga Nigeria, Sara Chafak (2012) me rrënjë marokene dhe Shirly Karvinen (2016) me nënë kineze, tregojnë se konkursi vazhdon të promovojë përfaqësim multietnik.