Një ngjarje emocionuese ka ndodhur në Heraklion, Greqi, ku një gjyshe 55-vjeçare është bërë nënë surrogate për vajzën e saj, duke sjellë në jetë një djalë të shëndetshëm. Ky rast i veçantë ka ngjallur emocione të thella dhe është një nga ato momente të rralla, si në Greqi ashtu edhe në mbarë botën.

Ngjarja u bë publike përmes një postimi në rrjetet sociale nga mjeku gjinekolog-obstetër që ndihmoi në këtë proces. Ai përshkroi përpjekjet për të realizuar këtë ëndërr familjare. Sipas tij, përpjekja e parë për transferimin e embrionit dështoi, por transferimi i dytë rezultoi i suksesshëm.

Mjeku shpjegoi se gjyshja ndoqi me përpikëri rekomandimet e mjekëve, duke u treguar një “ushtare femër” në këtë proces të vështirë. Ai shprehu kënaqësinë për arritjen e këtij qëllimi: “Ishte shumë e vështirë, por në fund ia dolëm. Gjyshja e përfundoi me sukses, duke sjellë në jetë një djalë 3500 gramësh”, shkroi ai.

Ky rast tregon se dashuria dhe sakrifica e një gjysheje për familjen e saj janë të pafundme, duke ofruar një shpresë dhe gëzim të madh për të gjithë ata që janë përfshirë në këtë histori.