Mijëra qytetarë janë bashkuar sot në protestën kombëtare të thirrur nga opozita shqiptare, duke shprehur pakënaqësi ndaj keqqeverisjes së kryeministrit Edi Rama dhe ndaj asaj që e cilësojnë si përdorim politik të drejtësisë për të persekutuar krerët e opozitës. Protestuesit kanë vënë theksin te varfëria që ka pllakosur vendin, duke kërkuar ndryshime të menjëhershme në qeverisje.

Një qytetar i ardhur nga Oroshi i Mirditës u shpreh se populli nuk mund të durojë më korrupsionin dhe vjedhjet. “Ne duam të jetojmë dhe do të qëndrojmë një javë këtu derisa të marrim përgjigje për hallet tona,” tha ai.

Një tjetër qytetar, përmes një poezie, përshkroi vështirësitë ekonomike të shqiptarëve dhe bëri thirrje për rritjen e pensioneve: “Shtesa prej 4% nuk na del as për të blerë kripë, ndaj mos u mburr o shtet i lig.”

Një pensionist, ish-minator, shprehu revoltën e tij ndaj qeverisë, duke thënë se ajo e ka “marrë në qafë” popullin dhe duhet të largohet sa më parë nga pushteti.