Moska po vazhdon diskutimet me Hamasin për zgjidhjen e situatës në Lindjen e Mesme, tha të premten Ministria e Jashtme ruse.

“Ne jemi në kontakt me të gjithë,” u tha gazetarëve zëvendësministri i Jashtëm rus Mikhail Bogdanov. “Ne gjithashtu kemi akses në udhëheqjen e Hamasit.”

Lirimi i pengjeve nduhet të zgjidhet “me shumë kujdes dhe përpikëri,” tha Bogdanov.

Sipas Bogdanov, përfaqësuesit rusë synojnë të vizitojnë Lindjen e Mesme si pjesë e përpjekjeve të tyre për zgjidhjen e krizës.

Bogdanov gjithashtu e quajti thirrjen e Izraelit per evakuimin e civileve nga Gaza një “shkelje të të drejtave të njeriut”.

“Ky nuk është një evakuim, ky është një dëbim nga shtëpitë e tyre, nga vendet ku ata kanë jetuar gjithë jetën,” tha Bogdanov.

Zyrtari rus tha gjithashtu se Moska kundërshton “pushtimin izraelit” të Rripit të Gazës në rast të një operacioni të mundshëm tokësor izraelit.

“Ne jemi kundër pushtimit. Ekziston një rezolutë e Këshillit të Sigurimit të OKB-së që, në parim, baza e paqes dhe sigurisë është toka në këmbim të paqes. Normalizimi në këmbim të tërheqjes së Izraelit nga territoret e pushtuara arabe,” u tha ai gazetarëve.

Viktimat ruse të Hamasit: Aktualisht nuk ka asnjë informacion për shtetasit rus qe u zhduken pas sulmeve të Hamasit javën e kaluar, tha të premten Kremlini.

Më herët gjatë javës, të paktën dy shtetas rus u konfirmuan se ishin vrarë në sulmin e Hamasit të shtunën, tha ambasadori rus Anatoly Viktorov në televizionin rus. Numri i rusëve të vrarë vazhdon të rritet, tha ambasada ruse në Izrael, pa specifikuar një numër të saktë.