Evropa duhet të përgatitet për një dimër edhe më të ashpër vitin e ardhshëm pasi furnizimet me gaz rus po pakësohen, ka paralajmëruar Agjencia Ndërkombëtare e Energjisë (IEA).

Fatih Birol, drejtor ekzekutiv i IEA-s, tha se: “Kriza nuk ka mbaruar. Viti i ardhshëm mund të jetë shumë më i vështirë se ky vit.”

Ai tha se Unioni mund të përballet me një mungesë gazi prej 30 miliardë metra kub (bcm) në vitin 2023, nëse Rusia mbyll plotësisht rubinetat dhe vendet do të luftojnë për të rimbushur vendet e magazinimit.

Reagimi vjen pasi Birol dhe Ursula von der Leyen, Presidentja e Komisionit Evropian, zbuluan shifra të reja që tregonin ndikimin ndërprerjes së furnizimeve me gaz nga Kremlini.

Rusia eksportoi vetëm 60 miliardë metër kub gaz në Evropë këtë vit, më pak se gjysma e totalit prej 140 miliardë në 2021, me zyrtarët që paralajmëruan se kjo mund të bjerë më tej vitin e ardhshëm.

Gjithashtu u tha se temperaturat kishin qenë jashtëzakonisht të buta këtë dimër, duke kufizuar kërkesën për ngrohje.

Ndërsa u paralajmërua se nuk kishte garanci se kjo do të ndodhte përsëri vitin e ardhshëm.