16.5 C
Tiranë
Friday, April 4, 2025
spot_img

Myslimanët nisin muajin e shenjtë të Ramazanit, mesazh urimi nga kreu i KMSH

Besimtarët myslimanë në mbarë botën, përfshirë edhe Shqipërinë, nisin sot, më 1 mars, muajin e shenjtë të Ramazanit, periudhën më të rëndësishme të vitit për ta, të cilën e kalojnë në përkushtim, lutje dhe bamirësi.

Gjatë këtij muaji të bekuar, besimtarët mbajnë agjërim, një nga shtyllat dhe detyrat madhore të besimit Islam. Për Shqipërinë, syfyri i parë u krye sot në orën 04:39, ndërsa iftari është parashikuar për në orën 17:37. Ramazani do të zgjasë deri më 29 mars, ndërsa Fitër Bajrami do të festohet më 30 mars.

Në prag të fillimit të këtij muaji, Kryetari i Komunitetit Mysliman të Shqipërisë, Bujar Spahiu, përcolli një mesazh urimi për të gjithë besimtarët, duke e cilësuar Ramazanin si një periudhë të bekuar, që i fton njerëzit drejt reflektimit, përkushtimit shpirtëror dhe forcimit të ndjenjës së solidaritetit.

Ky muaj na fton të ndalemi dhe të reflektojmë mbi mirësitë e panumërta që Zoti na ka dhuruar.

Është një mundësi e artë për të shprehur falënderim ndaj Tij, për të kultivuar durimin, për të rivitalizuar lidhjen tonë me Kuranin Famëlartë dhe për të rrezatuar dashuri ndaj të tjerëve. Ramazani është gjithashtu muaji i solidaritetit dhe i vëllazërisë.

Ai na kujton përgjegjësinë tonë ndaj atyre që kanë nevojë për ndihmën tonë dhe na fton të tregojmë bujari, dhembshuri dhe kujdes për më të dobëtit.

Në këtë muaj të shenjtë, le të forcojmë jo vetëm lidhjet tona me familjen dhe të afërmit, por edhe me shoqërinë në tërësi, duke e bërë komunitetin tonë më të ndjeshëm dhe më të bashkuar.” – u shpreh Spahiu në mesazhin e tij.

Muaji i Ramazanit përfaqëson një periudhë të rëndësishme për besimtarët myslimanë, e cila përveç përkushtimit fetar, është edhe një kohë për reflektim, vetëdisiplinë dhe solidaritet me ata që kanë më pak mundësi.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Donald Trump shfaq “Gold Card” në Air Force One: “Për 5 milionë dollarë, kjo...

0
Donald Trump ka tërhequr vëmendjen gjatë një konference në Air Force One, ku tregoi me krenari “Gold Card”-in e tij, një kartë prej 5...

Sfidat argëtuese të Big Brother VIP Albania 4: Gjesti vesh fustanin e Eglit

0
Një tjetër sfidë argëtuese ka mbajtur banorët e Big Brother VIP Albania 4 të angazhuar, ku ata u përballën me një lojë të re...

Zbulimi i rëndësishëm i Fosileve të gjitarëve mishngrënës në ultësirat e Himalajeve

0
Një grup studiuesish, përfshirë Dr. Steven Jasinski nga Universiteti i Shkencës dhe Teknologjisë në Harrisburg, ka bërë një zbulim të rëndësishëm në ultësirat Himalayan...

Ervin Karamuço flet për Sulmin Kibernetik ndaj e-maileve të Prokurorëve të SPAK: “Ka persona...

0
Profesori i kriminalistikës, Ervin Karamuço, ka komentuar mbi sulmin kibernetik që ka ndodhur më 12 mars 2025 ndaj e-maileve të prokurorëve të SPAK, duke...

Politikat tregtare të Donald Trump: Tarifa të papritura për Ishujt pa popullsi

0
Politikat tregtare të administratës Trump kanë shtrirë ndikimin e tyre edhe në territore të largëta dhe të pabanuara, duke përfshirë ishuj të tillë si...