Komisioneri i Bashkimit Europian, Oliver Varhelyi ka reaguar pas vendimit të marrë nga kuvendi bullgar për t’i hapurr rrugë anëtarësimit të Maqedonisë së Veriut në BE, duke hequr veto-n.
Me anë të një postimi në rrjetin social “twitter”, Varhelyi ka shkruar se tashmë vendimi i takonte Bashkimit Europian për të vendosur datën konkrete për mbajtjen e konferencës së parë ndërqeveritare për Shqipërinë dhe Maqedoninë e Veriut.
“Mirëpresim vendimin ndërpartiak të parlamentit bullgar që jep mandat të qartë për miratimin e propozimit francez. Tani na duhet vendimi i BE-së për të mbajtur konferencën e parë ndërqeveritare me Maqedoninë e Veriut dhe Shqipërinë. Evropa ec përpara!” – tha Varhelyi.
