Kryetari i partisë Demokristiane, Nard Ndoka, në një intervistë televizive, ka deklaruar se i ka kërkuar Sali Berishës të heqë dorë nga pretendimi për vulën dhe logon e Partisë Demokratike (PD). Ndoka shprehet se kjo është një kauzë e humbur për shkak të ndikimeve politike të Edi Ramës.

Ndoka: “Unë vet personalisht jo më larg se përpara pak javëve apo muajve i kam kërkuar zotit Berisha që të heqi dorë nga vula dhe logoja që nuk do ti ketë asnjëherë PD pronë për faktin që ato i ka peng Edi Rama.”

Sipas Ndokës, Berisha e refuzoi këtë këshillë, duke qeshur dhe duke thënë se është “në kufinjtë e pamundësisë që PD ta pranojë këtë fakt”. Ndoka tregon se Berisha është i vendosur të vazhdojë betejën për vulën dhe logon e PD-së, pavarësisht vështirësive dhe interferimeve politike.