Shtëpia e Bardhë akuzoi sot shtetet anëtare të NATO-s se nuk e kanë mbështetur Shtetet e Bashkuara në luftën kundër Iranit, duke i “kthyer shpinën amerikanëve” gjatë gjashtë javëve të fundit, sipas zëdhënëses Karoline Leavitt.
“Ata u vunë në provë dhe dështuan. Është mjaft e trishtueshme që NATO u ka kthyer shpinën amerikanëve kur janë amerikanët ata që po financojnë mbrojtjen e tyre”, tha ajo.
Leavitt paralajmëroi gjithashtu se presidenti Donald Trump do të diskutojë me sekretarin e përgjithshëm të NATO-s, Mark Rutte, mundësinë e largimit të SHBA-së nga aleanca.
Në konferencën për shtyp u trajtua edhe mbyllja e Ngushticës së Hormuzit nga Irani, pas sulmit izraelit ndaj Libanit, duke e cilësuar situatën si “krejtësisht të papranueshme”.
