Ike Turner Jr., djali i artistëve legjendarë Tina dhe Ike Turner, ka ndërruar jetë në moshën 67-vjeçare, duke lënë pas një trashëgimi të rëndësishme në muzikë dhe kulturën pop. Lajmin e konfirmoi për TMZ kushërirëja e tij, Jacqueline Bullock, e cila e përshkroi Ikën si më shumë se një kushëri – një vëlla që e rriti në të njëjtën familje të famshme.

Sipas Bullock, shëndeti i Turner Jr. ishte përkeqësuar vitet e fundit për shkak të problemeve me zemrën dhe një goditjeje në tru muajin e kaluar. Ai ndërroi jetë në një spital në Los Angeles për shkak të dëmtimit të veshkave.

Ike Jr. ndjeki hapat e prindërve të tij në muzikë, duke qenë anëtar i grupit tribut The Love Thang Band, së bashku me vokalisten Sweet Randi Love. Ai gjithashtu fitoi një çmim Grammy për bashkëpunimin me të atin në albumin e vitit 2006, “Risin’ With The Blues”, i cili u shpall Albumi më i Mirë Tradicional i Blues-it.

Në homazhe të publikuara në rrjetet sociale, kunata e tij, Afida Turner, shkroi: “Pusho në paqe IKE JR: Ishe i mrekullueshëm, kunat. Jam e lumtur që fola me ty në telefon para se të ikje. Të dua, u prehtë në paqe.”

Ike Turner Jr. ishte një nga dy djemtë e adoptuar të Tinës nga lidhja e saj me Ike Sr., dhe së bashku me prindërit dhe vëllezërit e tjerë, la një trashëgimi të pazëvendësueshme në historinë e muzikës.