Presidenti Ilir Meta ka shprehur trishtimin e tij për lajmin e ndarjes së parakohshme nga jeta të gazetarit të njohur Artjan Tepelena.
Përmes një mesazhi ngushëllimi, kreu i shtetit thekson se Tepelena dha një kontribut të pazëvendësueshëm në media.
Kreu i shtetit shkruan se Artjan Tepelena “do të kujtohet si lektori dhe shembulli i duhur i brezave të rinj të gazetarëve shqiptarë, në mbrojtje të fjalës së lirë dhe kundër konformizmit në profesion”.
MESAZHI I METËS
Trishtim për ndarjen e parakohshme nga jeta të gazetarit të mirënjohur Artjan Tepelena, i cili humbi sot betejën me COVID-19.
Ngushëllimet më të sinqerta familjarëve, miqve dhe komunitetit të gazetarëve!
Me kontributin e tij të gjatë dhe të pazëvendësueshëm në media, Artjan Tepelena do të kujtohet si lektori dhe shembulli i duhur i brezave të rinj të gazetarëve shqiptarë, në mbrojtje të fjalës së lirë dhe kundër konformizmit në profesion.
Të prehet në paqe!