Ish kryeministri Sali Berisha ka denoncuar aksionin e qeverisë të nisur pak ditë më parë për konfiskimin e kateve shtesë pa leje.

Ai tha se kryeministri kërkon të fyejë inteligjencën e shqiptarëve, kur sillet sikur nuk e dinte që po ndërtoheshin kate të tëra pa leje edhe në mes të Tiranës.

“Në Tiranë ka me qindra e qindra kate pa leje e kujtohet Gadafi, paskan lulëzuar ndërtimet pa leje, po ku ishe ti 8 vite? Bën buadalla shqiptarët, por nuk janë.

Nuk mund të thuash shqiptarëve nga dolën? Mbinë me rryshfete ato, se ke krijuar një administratë që nga mëngjesi në darkë vjel rryshfete e vjedh nën shembullin tënd.

“Krimi zhvillon” thoshte ministri i antikrimit. Sigurisht që të zhvillon o ministër velist se me vela po transportohet droga dhe ti po pasurohesh. Por krimi përkundrazi e pengon thellësisht zhvillimin.

Po të ishte për krim Kolumbia do ishte sot e zhvilluar sa SHBA, por nuk zhvillon krimi.

Ndaj dhe ne do kemi zero tolerancë ndaj krimit të organizuar, do bëjmë luftë të pa kompromis dhe të suksesshme ndaj korrupsionit”, tha Berisha.