Këngëtarja e njohur, Lizzo, ka shprehur ndjenjat e saj në një moment të vështirë: “Po lodhem duke duruar që të gjithë në jetën time dhe në internet të më tërheqin zvarrë.” Ajo ka bërë të ditur se ka vendosur të largohet nga bota e muzikës.

Ky vendim vjen disa muaj pasi ajo është akuzuar për ngacmim seksual. Ishin balerinët që Lizzo ka punuar me ta, ata që hodhën akuza të rënda ndaj saj, duke thënë se i detyronte të bënin gjëra të ndryshme.

“Gjithçka që dua është të bëj muzikë dhe t’i bëj njerëzit të lumtur dhe të ndihmoj botën të jetë pak më e mirë se sa e gjeta unë. Por kam filluar të ndihem sikur bota nuk më do mua në të”, u shpreh më tej fituesja e “Grammy”-t.