Donald Trump ka votuar në Palm Beach, Florida, afër rezidencës së tij, së bashku me gruan e tij, Melania Trump. Me synimin për t’u rikthyer në Shtëpinë e Bardhë, Trump u paraqit me besim të madh në këtë proces zgjedhor. Kur u pyet nga gazetarët për ndjenjat e tij lidhur me shanset e fitores, Trump tha se ndihet “shumë i sigurt” dhe se ka hyrë në ditën e zgjedhjeve me “një epërsi shumë të madhe”.

“Ndihem shumë i sigurt. Kam dëgjuar se po ia dalim shumë mirë kudo,” u shpreh Trump, duke nënvizuar optimizmin e tij për sukses në këto zgjedhje.