Një ngjarje dramatike ka tronditur komunitetin shqiptar në Shtetet e Bashkuara, pas një gare të paligjshme me dy makina BMW në Garden State Parkway të New Jersey-t, që përfundoi me vdekjen e një 20-vjeçari nga Staten Island më 29 qershor.

Shoferi i BMW X3, Alvi Limani, u largua nga vendi i aksidentit në tentativë për të shmangur përgjegjësinë, ndërsa në ndihmë të tij erdhi nëna, Vilma Vneshta. Ajo e shoqëroi djalin deri në Miami, duke u përpjekur t’i ndihmojë të shmangte arrestimin.

Autoritetet e New Jersey-t kanë arrestuar të dy më 17 korrik dhe po përgatiten për ekstradimin e tyre drejt vendit ku do të përballen me drejtësinë. Alvi Limani përballet me akuza serioze, duke përfshirë vrasjen me dashje dhe largimin nga vendi i ngjarjes, ndërsa ndaj nënës Vneshta rëndojnë akuzat për pengim të hetimeve.

Hetimet janë ende në vazhdim dhe policia po kërkon dëshmi të mëtejshme për zbardhjen e plotë të kësaj ngjarjeje tragjike që tronditi trafikun në Garden State Parkway.