Kuvendi i Shqipërisë do të mblidhet ditën e nesërme në një seancë të jashtëzakonshme për të miratuar ndryshimet në qeveri, të propozuara sot nga kryeministri Edi Rama në Kongresin e PS.

Të Gjitha Ndryshimet që Prezantoi Rama:

Elisa Spiropali
– Lë postin e ministres së Shtetit për Marrëdhëniet me Parlamentin
– Emërohet Kryetare e Kuvendit pas dorëheqjes së Lindita Nikollës

Taulant Balla
– Largohet nga posti i ministrit të Brendshëm
– Emërohet ministër i Marrëdhënieve me Parlamentin, post i mbajtur deri sot nga Elisa Spiropali

Ervin Hoxha
– Emërohet Ministër i Brendshëm, post i mbajtur deri sot nga Taulant Balla
– Aktualisht mbante postin e kreut të IKMT-së

Petrit Malaj
– Emërohet Ministër i Financave, post i mbajtur deri sot nga Ervin Mete
– Aktualisht mbante postin e kreut të AKBN-së

Pirro Vëngu
– Emërohet Ministër i Mbrojtjes, post i mbajtur deri sot nga Niko Peleshi
– Aktualisht mbante postin e Drejtorit të Autoritetit Portual të Durrësit

Bledi Çuçi
– Largohet nga posti i kryetarit të grupit parlamentar socialist
– Emërohet nënkryetar i Parlamentit, post i mbajtur deri sot nga Ermonela Felaj

Niko Peleshi
– Largohet nga posti i Ministrit të Mbrojtjes
– Emërohet kreu i grupit parlamentar socialist