Kryeministri i Izraelit, Benjamin Netanyahu, ka reaguar ashpër ndaj raportit më të fundit të Kombeve të Bashkuara, i cili shpall gjendje urie në Rripin e Gazës dhe fajëson pengesat sistematike të Izraelit për përkeqësimin e situatës humanitare.

Në një deklaratë zyrtare, Netanyahu e cilësoi raportin si të pasaktë dhe të njëanshëm:

“Ky raport është një gënjeshtër e hapur. Izraeli nuk ka politikë për zinë e bukës – përkundrazi, ne kemi një politikë për parandalimin e zisë së bukës.”

Kryeministri izraelit akuzoi Hamasin për manipulimin e situatës dhe për keqpërdorimin e ndihmave humanitare, duke shtuar se:

“Të vetmit që vdesin qëllimisht nga uria në Gaza janë pengjet izraelite që mbahen nga Hamasi.”

Ndërkohë, raporti i OKB-së deklaron se uria në Gaza është “e shmangshme” dhe mund të ishte parandaluar po të mos kishte pasur “pengim sistematik të dërgimit të ndihmave” nga ana e Izraelit.

Nga ana tjetër, zyra e Netanyahut i kundërshton këto akuza, duke theksuar se Izraeli ka lehtësuar hyrjen e ndihmave, por se “mangësitë janë shkaktuar nga vjedhjet sistematike të ndihmave nga Hamasi.”

Përplasja e fortë mes OKB-së dhe Izraelit pritet të rrisë më tej tensionet ndërkombëtare, ndërsa situata humanitare në Gaza mbetet alarmante.