Një 25-vjeçar ka përfunduar në prangat e policisë së kryeqytetit ditën e sotme pasi ka ngacmuar seksualisht një shtetase keniane dhe një vajzë 15-vjeçare.

Autori i identifikuar si Xhejson Bregu, është arrestuar nga policia e Tiranës pasi ngacmoi seksualisht 2 vajza, shtetasen keniane në afërsi të një zonë parkimi në një qendër tregëtare në Tiranë, si dhe një 15-vjeçare, në ashensorin e pallatit ku banonin.

Në pamje tregohet momenti kur ngacmon vajzën nga Kenia në parkingun e një qendre tregtare dhe ikën me vrap.

Gjatë kontrollit fizik, shërbimet e Policisë i gjetën 25-vjeçarit, një sasi lënde të dyshuar narkotike kanabis, e cila u sekuestrua në cilësinë e provës materiale.

Materialet i kaluan Prokurorisë, për veprime të mëtejshme procedurale.