Pas ngërçit të krijuar në Bashkinë Himarë, ku dy kryebashkiakët janë në burg – njëri i zgjedhur në zgjedhjet e 14 majit, Fredi Beleri, dhe tjetri, kryetari në detyrë i arrestuar pak ditë më parë, drejtimi i bashkisë do të kalohet te një prej nënkryetarëve.

Pritet që Këshilli Bashkiak të mbledhë shpejt dhe të vendosë me votë se cilin prej dy nënkryetarëve, Blerina Bala apo Pervin Gjikuria, do ta drejtojë bashkinë Himarë deri në zgjedhjet e reja.

Socialistët kanë shumicën në Këshillin Bashkiak të Himarës me 13 vota kundër 8 të opozitës, dhe burime tregojnë se Blerina Bala është kandidatja kryesore për të marrë udhëheqjen e bashkisë deri në zgjidhjen përfundimtare të ngërçit. Pritet që mbledhja e Këshillit Bashkiak të zhvillohet më 29 mars.