Sot në ora 11:00, Kuvendi i Deputetëve të Kosovës do të zhvillojë seancën e 28-të për të tentuar konstituimin e vet pas zgjedhjeve të 9 shkurtit. Megjithatë, duket se pengesat politike mbeten të mëdha.

Lëvizja Vetëvendosje, Guxo dhe Alternativa nuk kanë numrin e mjaftueshëm të votave për të zgjedhur Albulena Haxhiun kryetare të Kuvendit për një mandat 4-vjeçar. Partitë opozitare, PDK, LDK, AAK dhe NISMA, janë kundër emrit të propozuar dhe kanë refuzuar votimin.

Haxhiu është hedhur në votim 6 herë nga koalicioni LV-Guxo-Alternativa, por pa sukses. Si alternativë, po kërkohet votimi i fshehtë, që tashmë ka ngjallur polemika dhe është dërguar për interpretim në Gjykatën Kushtetuese nga grupi parlamentar i AAK-së.

Në rast të dështimit të seancës së sotme, procesi do të vijojë me seancën e 29-të pas 48 orësh, më 9 qershor.