Ministri i Punëve të Brendshme, Pançe Toshkovski, njoftoi pasdite se janë identifikuar të gjitha 59 viktimat nga ngjarja tragjike në Koçan, dhe autopsitë përfunduan më 18 mars 2025. Ai po ashtu theksoi se nga zjarri janë lënduar 196 persona, 20 prej të cilëve fëmijë.
Toshkovski informoi se aktualisht 93 të lënduar janë duke u trajtuar në spitalet e Shkupit, ndërsa 80 të tjerë janë transportuar për trajtim në Serbi, Bullgari, Turqi, Greqi, Austri, Lituani, Slloveni, Hungari dhe Kroaci.
Drejtori i Komisionit Qendror Ushtarak, Stojançe Angelov, njoftoi se varrimi i viktimave do të zhvillohet të enjten, më 20 mars, dhe se ora e saktë do të bëhet e ditur më vonë. Në varrim do të marrin pjesë kreu i Kishës Ortodokse Maqedonase, Shenjtëria e tij Stefan, dhe disa peshkopë nga Sinodi. Angelov theksoi se Kisha po punon për të siguruar një varrim sa më dinjitoz për viktimat.
