Një incident i dhunshëm ka ndodhur mbrëmjen e së dielës së kaluar në një klub nate në Zvicër, ku një 34-vjeçar shqiptar nga Kosova u plagos nga një thikë. I dyshuari për ngjarjen është një 26-vjeçar, gjithashtu shqiptar nga Kosova, i cili është arrestuar në banesën e tij.

Sipas dëshmive nga vendngjarja, incidenti nisi pas një përplasjeje me rojet e sigurisë. Një dëshmitar, mik i të arrestuarit, tregoi se grupi i tij, rreth 15 veta, po argëtohej në klub dhe kishin konsumuar shumë alkool. “Ne kundërshtuam kur njëri nga miqtë u tërhoq jashtë nga rojet e sigurisë, dhe aty filloi dhuna,” tha ai.

Nga përplasja jashtë klubit kanë pësuar lëndime disa persona, ndërsa autoritetet zvicerane po hetojnë rrethanat e plota të ngjarjes. I dyshuari ndodhet në paraburgim dhe hetimet vijojnë.