Një ngjarje e rëndë është regjistruar në një lagje të Napolit, ku si pasojë e rrëzimit të një strukture betoni në ballkonin e një apartamenti, dy persona kanë humbur jetën. Incidenti ndodhi në Vela Celeste, rreth orës 22:30 të ditës së djeshme.

Sipas informacioneve, viktimat janë një 29-vjeçar dhe një 35-vjeçare, ndërsa 13 persona të tjerë janë plagosur, përfshirë 7 fëmijë të mitur. Mësohet se mosha e fëmijëve varion nga 2 deri në 8 vjeç. Policia po vijon hetimet për zbardhjen e plotë të ngjarjes.