Java e fundit e shkurtit sjell disa ngjarje të rëndësishme astrologjike që pritet të ndikojnë në të gjitha shenjat e horoskopit. Më 24 shkurt, Marsi kthehet në vijë të drejtë, më 27 shkurt ndodh hëna e re në shenjën e Peshqve, ndërsa më 2 mars, Afërdita hyn në prapavijë. Këto lëvizje planetare mund të sjellin ndryshime të rëndësishme në fusha të ndryshme të jetës.

Çfarë ndikimi do të kenë këto zhvillime për shenjat e horoskopit?

Astrologia Chrysanthi Kalogeri ka parashikuar se fillimi i javës, sidomos tri ditët e para, do të karakterizohet nga tensione dhe konflikte, ndaj është e rëndësishme të tregojmë kujdes në marrëdhëniet ndërpersonale dhe vendimet që marrim.

Dashi: Mundësi për të zgjidhur probleme familjare dhe me pronën. Jeta personale do të përmirësohet, por duhet shmangur presioni dhe nxitimi në vendime.

Demi: Komunikimi dhe marrëdhëniet sociale përmirësohen. Një periudhë aktive për udhëtime dhe plane të reja. Kujdes me shpenzimet e tepërta.

Binjakët: Mundësi të reja profesionale dhe financiare. Tri ditët e para të javës shmangni konfliktet në punë.

Gaforrja: Do të ndiheni më produktivë në punë dhe jetën sociale. Kujdes me lajmet negative që mund të ndikojnë në humorin tuaj.

Luani: Fokus te financat dhe mundësi të reja për mbështetje ekonomike. Kujdes me marrëveshjet financiare.

Virgjëresha: Një periudhë e rëndësishme për bashkëpunime dhe marrëdhënie. Kujdes në komunikim për të shmangur konfliktet.

Peshorja: Karriera dhe jeta sociale do të përmirësohen. Mund të rikthehen bashkëpunime apo marrëdhënie nga e kaluara.

Akrepi: Do të ndiheni më të qetë dhe të organizuar. Jeta sentimentale do të përmirësohet dhe do të krijoni plane të reja.

Shigjetari: Kujdes në jetën familjare dhe punë. Mund të ketë pengesa të vogla, por hëna e re sjell mundësi për ndryshime pozitive.

Bricjapi: Një javë e rëndësishme për punën dhe financat. Kujdes me keqkuptimet në komunikim.

Ujori: Fokus te financat dhe organizimi i shpenzimeve. Disa probleme në përditshmëri do të marrin zgjidhje.

Peshqit: Periudhë e rëndësishme për ndryshime. Tri ditët e para mund të jenë të tensionuara, por pas tyre, gjërat do të shkojnë drejt përmirësimit.

Me këto zhvillime astrologjike, java e fundit e shkurtit do të jetë dinamike dhe plot ndryshime. Kujdes në vendimet që merrni dhe shfrytëzoni energjinë planetare për të çuar përpara projektet tuaja!