1. Rupert Murdoch martohet për herë të pestë
Mediat kanë shpërthyer me lajmin se manjati i medias, Rupert Murdoch, është martuar për herë të pestë në moshën 93-vjeçare me Elena Zhukova, një biologe molekulare me origjinë ruse. Çifti u martua në pronën e Murdoch në Kaliforni. Zhukova është nëna e Daria Zhukova, ish-gruaja e oligarkut rus Roman Abramovich.

2.Miley Cyrus shpreh pasiguri për t’u bërë nënë
Këngëtarja Miley Cyrus ka treguar në një intervistë me “W Magazine” se ende nuk është e sigurt nëse dëshiron të ketë fëmijë. Ajo shprehu se ndihet sikur fansat e saj janë si fëmijët e saj në njëfarë mënyre, duke përmendur edhe Dolly Parton që ka ndarë të njëjtin mendim.

Jam 31 vjeçe dhe ende nuk e di nëse dua fëmijë apo jo. Ndihem sikur fansat janë fëmijët e mi në njëfarë mënyre. Kam dëgjuar edhe Dolly-n të thotë të njëjtën gjë, sepse nuk kishte fëmijë.

3. Parashikimi i astrologes Meri Shehu
Astrologia e njohur Meri Shehu, në një paraqitje në emisionin “Wake Up”, parashikoi që ky muaj do të jetë i favorshëm për shenjën e Luanit për martesë. Ajo paralajmëroi edhe për kujdes nga skandalet dhe çështjet ekonomike për personazhet publikë të kësaj shenje.

4.Mikela Pupa në pritje të ëmbël
Ish-banorja e “Big Brother VIP”, Mikela Pupa, është në pritje të një fëmije. Fotot e saj me barkun e rrumbullakosur kanë qarkulluar në media dhe ajo së fundmi ka organizuar një “babyshower”, ku është zbuluar se është në pritje të një vajze.

5. Spekulime për një lidhje mes Demi Moore dhe Joe Jonas
Sipas mediave të huaja, aktorja Demi Moore dhe këngëtari Joe Jonas janë bërë më të afërt, duke nxitur spekulime për një lidhje dashurie. Ata janë parë duke shijuar një drekë së bashku në një hotel në Francë dhe thuhet se u njohën në Festivalin e Filmit në Kanë.