Nicole Kidman ka pranuar se incidenti viral në Çmimet Oscar 2017, ku duartrokiti në një mënyrë që u bë ‘meme’, e ka detyruar të ndryshojë mënyrën se si shpreh vlerësimin. Aktorja 57-vjeçare u kap në kamera duke duartrokitur “si një patë” gjatë ceremonisë së 89-të të çmimeve Oscar, një moment që shpërtheu në internet me komente dhe tallje të shumta.

Shtatë vjet më vonë, Kidman ka folur për këtë përvojë poshtërimi gjatë një interviste për Hollivudin Issue 2025 të Vanity Fair. Ajo zbuloi se tani është shumë më e ndërgjegjshme për mënyrën se si e tregon vlerësimin e saj. “Unë e di se çfarë po bëj kur duartrokas,” tha Kidman, duke imituar duartrokitjen e saj të njohur përkrah aktorit Dev Patel, i cili u shpreh: “E kam parë këtë.”

Kidman e pranoi me humor situatën dhe tregoi se tani po përpiqet të duartrokasë në një mënyrë më të natyrshme. Ky moment i famshëm, që ndodhi kur Charlize Theron doli në skenë për të dhënë një çmim, u bë një nga imazhet më të komentuar dhe të përhapura në internet gjatë asaj periudhe.