Është mbledhur sot grupi parlamentar i PD. Kreu i PD Sali Berisha  duke u ndalur tek nisja e punimeve për Teatrin e ri Kombëtar, tha se është një akt madhor anti kushtetues teksa i bëri thirrje ndërtuesit të mos bëhet mashë e Erion Veliajt dhe Edi Ramës.

Berisha: 

Ngaky akt kalohet në një akt madhor, dhunimin flagrant të vendimit të Kushtetueses. Kjo është një sfidë e hapur, jo vetëm për Aleancën për Mbrojtjen e Teatrit, por për opozitën në radhë të parë.

Opozitës i thuhet se nuk njohim norma, nuk njohim standarde, por jemi të gatshëm të ndërmarrim çdo akt, në kundërshtim të hapur me një vendim të Gjykatës Kushtetuese.

Gjykata Kushtetuese ndalon procedimin e mëtejshëm në atë truall, ia kthen atë qeverisë. Ky është vendi i vetëm ku vendimet e Kushtetueses rrëzohen me vendime të banditëve qeveritarë.

Ky është vendi i vetëm në botë ku një vendim i Gjykatës Kushtetuese rrëzohet me një vendim të qeverisë.

Ndaj dhe unë, paralajmëroj Erion Veliajn se me këtë akt ai po nxit me të gjithë forcën, përplasjen me qytetarët.

Ai është një kukull e Edi Ramës, por do përgjigjet për këtë akt.

Paralajmëroj ndërtuesin që të mos bëhet mashë. Hiq dorë nga ai projekt. Populli opozitar nuk do e pranojë kurrë atë projekt

Populli opozitar do bëjë gjithçka për zbatimin e drejtë të vendimit të Kushtetueses.