Një 32-vjeçar u kap sot në flagrancë nga policia në Dibër, pasi në lokal të tij po organizonte veprimtari të paligjshme të lojërave të fatit.
Policia gjithashtu arrestoi një 21-vjeçar në Dibër, i cili u kap me një dorezë metalike.
Njoftimi i Policisë:
Gjatë kontrollit në qytetin Klos, u zbulua një rast tjetër i organizimit të paligjshëm të lojërave të fatit. Policia ka nisur procedurat penale kundër pronarit të lokalit.
Strukturat e Policisë në Dibër raportuan materialet në Prokurori, ku u nis procedura penale kundër shtetasit G.H., 32 vjeç, banues në Klos, për veprat penale “Vënia në dispozicion e lokaleve për lojëra të paligjshme” dhe “Organizimi i llotarive të paligjshme”. 32-vjeçari u kap në flagrancë nga forcat e “Shqiponja” në lokalin e tij, ku po organizonte veprimtari të paligjshme të lojërave të fatit.
Në Dibër, u arrestua në flagrancë shtetasi B.D., 21 vjeç, banues në Dibër, pasi gjatë kontrollit të automjetit që drejtonte, policia gjeti dhe sekuestruoi një dorezë metalike (përforcues grushti).
Materialet procedurale i kaluan Prokurorisë për hetime të mëtejshme.
